300 మంది విద్యార్థులకు రూ.20 వేలు సొంత నిధులతో అందజేసిన మాజీ మార్కెట్ చైర్మన్ కొత్తూరి మహేష్
విజేత,చొప్పదండి : చొప్పదండి నియోజకవర్గం కొడిమ్యాల మోడల్ స్కూల్ లో సుమారు 300 మంది విద్యార్థినీ విద్యార్థులకు చొప్పదండి మాజీ మార్కెట్ కమిటీ చైర్మన్ కొత్తూరి మహేష్ సుమారు రూ. 20 వేలు తన సొంత ఖర్చుతో విద్యార్థులకు ఐడీ కార్డులను తయారు చేయించి పంపిణీ చేశారు.ప్రభుత్వ పాఠశాల విద్యార్థులకు కూడా ప్రైవేట్ పాఠశాలల మాదిరిగానే ఐడీ కార్డులు ఉండాలనే సంకల్పంతో ఈ సేవా కార్యక్రమాన్ని చేపట్టినట్లు ఆయన తెలిపారు.అనంతరం విద్యార్థులను ఉద్దేశించి మాట్లాడుతూ ఉపాధ్యాయులు బోధించే విద్యను ఏకాగ్రతతో అర్థం చేసుకొని పాఠశాలకు మంచి పేరు తీసుకురావాలని,ఉన్నత శిఖరాలను అధిరోహించి చదువు చెప్పిన గురువులకు,కన్న తల్లిదండ్రులకు మంచి పేరు తీసుకురావాలని సూచించారు.ఈ కార్యక్రమంలో పాఠశాల ప్రధానోపాధ్యాయులు లావణ్య,అధ్యాపక బృందం,చింటూ విద్యార్థినీ విద్యార్థులు తదితరులు పాల్గొన్నారు.
