'గుంటూరు కారం' నుంచి మాస్ మసాలా సాంగ్... ప్రోమో విడుదల
'గుంటూరు కారం' నుంచి మాస్ మసాలా సాంగ్... ప్రోమో విడుదల
- మహేశ్ బాబు, త్రివిక్రమ్ కాంబోలో గుంటూరు కారం
- కుర్చీ మడతపెట్టి సాంగ్ విడుదలకు రంగం సిద్ధం
- నేడు ప్రోమో... రేపు పూర్తి లిరికల్ సాంగ్ రిలీజ్
- సంక్రాంతి బరిలో ఘాటెక్కించేందుకు సిద్ధమవుతున్న 'గుంటూరు కారం'
అక్షరవిజేత, సినిమా డెస్క్ :
సూపర్ స్టార్ మహేశ్ బాబు నటిస్తున్న తాజా చిత్రం 'గుంటూరు కారం' నుంచి ఒక మాస్ మసాలా సాంగ్ విడుదలకు రంగం సిద్ధమైంది. 'కుర్చీ మడతపెట్టి' అంటూ సాగే ఈ గీతం తాలూకు ప్రోమోను చిత్రబృందం నేడు విడుదల చేసింది. హీరో మహేశ్ బాబు ఈ ప్రోమో వీడియోను తన సోషల్ మీడియా ఖాతాలో పంచుకున్నారు. ఈ పాట పూర్తి లిరికల్ వీడియో రేపు రిలీజ్ కానుంది.
మహేశ్ బాబు, త్రివిక్రమ్ శ్రీనివాస్ కాంబినేషన్ లో వస్తున్న ఈ చిత్రంపై భారీ అంచనాలు ఉన్నాయి. హారిక అండ్ హాసిని క్రియేషన్స్ బ్యానర్ పై తెరకెక్కుతున్న 'గుంటూరు కారం' చిత్రంలో మహేశ్ బాబు సరసన యువ కథానాయిక శ్రీలీల నటిస్తోంది. మీనాక్షి చౌదరి మరో కథానాయిక.
ఈ చిత్రానికి తమన్ సంగీతం అందిస్తున్నాడు. కాగా, ఇటీవల విడుదలైన ఓ పాట (ఓ మై బేబీ) విషయంలో అసంతృప్తిగా ఉన్న మహేశ్ ఫ్యాన్స్ కు ఈ 'కుర్చీ మడతపెట్టి' సాంగ్ ప్రోమో ఉత్సాహం కలిగిస్తుందనడంలో సందేహం లేదు! ఫాస్ట్ బీట్ కు మహేశ్, శ్రీలీల కాలు కదిపిన తీరు అభిమానులను కిర్రెక్కించేలా ఉంది. 'గుంటూరు కారం' చిత్రం 2024 సంక్రాంతి సందర్భంగా జనవరి 12న ప్రేక్షకుల ముందుకు వస్తోంది