- ఐదేళ్లుగా 'సందీప్ ముదిరాజ్' నేతృత్వంలో రికార్డు స్థాయి నిమజ్జన ఉత్సవం

విజేత,రాజేంద్రనగర్ : గణనాథుని నిమజ్జనోత్సవానికి సమాయత్తమవుతున్న వేళ, రాజేంద్రనగర్ పురవీధులు భక్తిపారవశ్యంతో పులకించిపోయాయి. శోభాయాత్రగా తరలివస్తున్న గణపతి బాప్పాకు, వేలాదిగా తరలివచ్చిన భక్తజనసందోహానికి రాజేంద్రనగర్‌లో అపూర్వమైన, ఘనమైన స్వాగతం లభించింది.గత ఐదు సంవత్సరాలుగా చెక్కుచెదరని భక్తిశ్రద్ధలతో, ఉప్పరపల్లి చౌరస్తా వేదికగా పసుపుల సందీప్ ముదిరాజ్ ఆధ్వర్యంలో ఈ స్వాగత మహోత్సవం అత్యంత ఘనంగా సాగుతోంది. నిమజ్జనానికి విచ్చేసే భక్తులకు "స్వాగతం... సుస్వాగతం" అంటూ ఆత్మీయ ఆహ్వానం పలుకుతూ, ఉప్పరపల్లి చౌరస్తాను భక్తి చైతన్యంతో నింపేశారు.ఈ సందర్భంగా సందీప్ ముదిరాజ్ మాట్లాడుతూ.. "ప్రతి ఏటా గణనాథుని ఆశీస్సులతో, ప్రజల మధ్య ఐక్యతను పెంపొందిస్తూ భక్తులకు ఆహ్లాదకరమైన వాతావరణం కల్పించడమే మా ముఖ్య ఉద్దేశం. రాజేంద్రనగర్ ప్రజలందరిపై ఆ విఘ్నేశ్వరుని కృపాకటాక్షాలు ఎల్లవేళలా ఉండాలని, ప్రతి ఒక్కరూ సుఖసంతోషాలతో విలసిల్లాలని కోరుకుంటున్నాం" అని ఆకాంక్షించారు.వరుసగా ఐదో ఏడాది కూడా రాజేంద్రనగర్ చరిత్రలోనే మైలురాయిగా నిలిచిన ఈ స్వాగత కార్యక్రమానికి స్థానికుల నుంచి, భక్తుల నుంచి అనూహ్య స్పందన లభించింది. ఉప్పరపల్లి చౌరస్తా పరిసర ప్రాంతాలన్నీ "గణపతి బాప్పా మోరియా" శరణఘోషతో మారుమోగాయి.ఈ భక్తిపూరిత స్వాగత కార్యక్రమంలో విట్టల్, కీర్తి శీను, మల్లేష్ చారి, మోహన్ రెడ్డి, అశోక్ రెడ్డి, యంపల్లి ప్రశాంత్ రెడ్డి, కరుణాకర్ రెడ్డి, విజయ్ యాదవ్, సుధాకర్ రెడ్డి, భాష, చంద్ర గౌడ్, మైచరణ్ గౌడ్, రమణ తదితరులు పెద్ద ఎత్తున పాల్గొని కార్యక్రమాన్ని విజయవంతం చేశారు.