విజేత,దుండిగల్ : దుండిగల్ డివిజన్ పరిధిలోని గాగిల్లాపూర్ తండాలో గణేష్ నవరాత్రి ఉత్సవాలు అత్యంత వైభవంగా జరుగుతున్నాయి. బంజారా యూత్ అసోసియేషన్ ఆధ్వర్యంలో ఏర్పాటు చేసిన వినాయక మండపంలో నవరాత్రుల సందర్భగా 9వ రోజున "గణపతి హోమం" ఘనంగా నిర్వహించారు. వేద పండితుల మంత్రోచ్చారణలు, శాస్త్రోక్తమైన పూజా కార్యక్రమాల మధ్య హోమాన్ని అత్యంత భక్తిశ్రద్ధలతో పూర్తి చేశారు. ఈ ప్రత్యేక పూజా కార్యక్రమంలో బంజారా యూత్ అసోసియేషన్ సభ్యులు, భక్తులు, స్థానిక ప్రజలు పెద్ద ఎత్తున పాల్గొని గణనాథుని కృపకు పాత్రులయ్యారు. హోమం అనంతరం భక్తులకు తీర్థప్రసాదాలు అందజేశారు.