Friday, April 4, 2025
spot_img

మాజీ ప్రధాని దేవెగౌడ్ మనవడు ప్రజ్వల్ రేవణ్ణ అరెస్టు

మాజీ ప్రధాని దేవెగౌడ్ మనవడు ప్రజ్వల్ రేవణ్ణ అరెస్టు

లైంగిక దౌర్జన్యం ఆరోపణలు ఎదుర్కొంటున్న కర్ణాటక జేడీయూ నాయకుడు, మాజీ ప్రధాని దేవెగౌడ్ మనవడు ప్రజ్వల్ రేవణ్ణను ఎట్టకేలకు పోలీసులు అరెస్టు చేశారు. జర్మనీ నుంచి బయలుదేరిన ఆయన గురువారం అర్ధరాత్రి బెంగళూరు కెంపెగౌడ విమానాశ్రయంలో దిగగానే అదుపులోకి తీసుకున్నారు. ఈ ఆరోపణలు వెలుగులోకి రాకమునుపే ప్రజ్వల్ జర్మనీకి వెళ్లిపోయారు. ఆ తరువాత భారత్ కు తిరిగి రావడంలో తాత్సారం చేశారు. చివరకు మాజీ ప్రధాని దేవెగౌడ్ ప్రజ్వల్ రేవణ్ణకు గట్టి వార్నింగ్ ఇచ్చారు. భారత్ కు వచ్చిన దర్యాప్తునకు సహకరించకపోతే తన ఆగ్రహాన్ని చవి చూడాలని హెచ్చరించారు. దీంతో, ప్రజ్వల్ దిగొచ్చాడు. అయితే, రేవణ్ణ గతంలో రెండు సార్లు భారత్ కు వాయిదా వేసి టిక్కెట్లను క్యాన్సిల్ చేసుకున్నట్టు తెలుస్తోంది.

మరోవైపు, ప్రజ్వల్ రేవణ్ణ ముందస్తు బెయిల్ పిటిషన్‌ను ప్రత్యేక కోర్టు గురువారం నిరాకరించింది. ఇక హసన్ లో ఉన్న ప్రజ్వల్ ఇంట్లో పోలీసులు తనఖీలు నిర్వహించి పలు ఆధారాలు సేకరించారు.

ఇదిలా ఉంటే..తాత వార్నింగ్ అనంతరం ప్రజ్వల్ సోమవారం తన తల్లిదండ్రులను ఉద్దేశిస్తూ ఓ వీడియో విడుదల చేశారు. వారికి క్షమాపణలు చెప్పడమే కాకుండా ప్రతిపక్షాల విమర్శలతో తాను డిప్రెషన్ లో ఉన్నట్టు చెప్పుకొచ్చాడు. మే 31న పోలీసుల ముందు హాజరవుతాయని, దర్యాప్తునకు సహకరిస్తానని అన్నాడు. తనకు దేవుడి ఆశీర్వాదం ఉందని చెప్పుకొచ్చాడు.

ఇక ప్రజ్వల్ కాంట్రవర్సీకి బీజేపీ దూరం జరిగింది.  ఇది పార్టీకి సంబంధించిన విషయం కాదని, తాము ఎటువంటి వ్యాఖ్యా చేయబోమని పేర్కొంది.   మరోవైపు, ప్రజ్వల్ రేవణ్ణ పై లైంగిక ఆరోపణలు గురించి జేడీఎస్ కు ముందే తెలుసని పార్టీ నేత ఒకరు చెప్పడం ఇబ్బందులకు దారి తీసింది. కాగా, లైంగిక దైర్జన్యం ఆరోపణలు వెలుగు చూసిన ఆరో రోజుల తరువాత ప్రజ్వల్ తన డిప్లోమేటిక్ పాస్ పోర్టు ఆధారంగా జర్మనీ వెళ్లిపోయారు. నిజం త్వరలో బయటకు వస్తుందని అప్పట్లో ఎక్స్ వేదికగా ట్వీట్ చేశాడు.

Related Articles

LEAVE A REPLY

Please enter your comment!
Please enter your name here

Stay Connected

0FansLike
0FollowersFollow
0SubscribersSubscribe
- Advertisement -spot_img

Latest Articles